-------
***Arabella's POV***
-
"Hindi ko ‘yan gina—"
Muli na namang hindi natapos ni Andrew ang kanyang sasabihin, dahil isa na namang malakas na suntok ang pinakawalan ni Tito Salve sa kanya. Sa pagkakataong ito, hindi na siya bumagsak dahil nasalo agad siya ni Eryiel. Ngunit sa titig ni Tito Salve kay Andrew, para bang gusto niyang patayin ito sa sobrang galit.
Samantala, nang matiyak ni Eryiel na maayos na ang pagtayo ni Andrew, agad siyang bumaling kay Jodi. Alam kong may sasabihin siya, ngunit hindi ko rin alam kung paano niya ipoproseso ang mga pangyayaring ito. Wala ni isa sa amin ang nakapagsalita agad—lahat ay tila nalulunod sa bigat ng sitwasyon.
"Malandi ka! Sabihin mo ang totoo!" galit na sigaw ni Eryiel sa kanyang nakababatang kapatid. Ang kanyang mga mata ay matalim at
