Gino Ferrer’s PoV
Hindi ko alam kung gaano na kami katagal na nakatali lahat. Basta sobrang nangangalay na ang mga braso ko at binti, ang higpit ng pagkakatali nila.
Nakatayo kami ni Jake at sina Gian ay nakaluhod sa harap namin, nakatali rin sila.
May tatlong lalaki na nagbabantay, ni hindi nila inaalis ‘yung tingin nila sa’min. Wala naman kaming magagawa kahit hindi nila kami bantayan dahil nakatali kaming lahat.
“Boss, baka naman?” ungot ni Jake doon sa nagbabantay sa’min. “Ang sakit na ng braso ko.”
“Oo nga naman, boss,” sahod ni Lex. “Ang sakit na ng katawan namin, hindi ba kayo naaawa? Hindi naman ako rapper, pero I’m breaking down, yo?”
“Gago, ang smooth,” ani Gian.
“Smooth like criminal, lods,” side comment naman ni Jake.
Napapailing na namamangha ako at nilingon ‘yung nagb
