Jake Montero’s PoV
Napadilat ako ng mata nang maramdaman ko ang pangangalay ng mga braso ko, pati ang pananakit ng ulo ko.
Anong nangyayari?
Nanghihina na nilibot ko ang tingin sa paligid, hindi ko alam kung nasaan kami. May ilaw na nakatutok sa’kin at madilim ang paligid.
Nanlaki bigla ang mata ko dahil sa sobrang gulat. Nakatali ang dalawang kamay ko at nakasabit ako sa isang mahabang bakal, kaya pala nangangalay ang braso ko dahil nakataas lang.
“Sh¡t!” Pumiglas-piglas ako pero walang nangyayari, at nang lumingon ako sa tabi ko ay nakita ko si Gino na walang malay na ganoon din ang pwesto ng katulad ng sa’kin.
Nakatali rin ang dalawang kamay niya at nakasabit sa bakal, nakayuko siya at halatang walang malay.
“Par,” sambit ko. Sisipain ko sana siya para gisingin pero nakatali rin
