Jake Montero’s PoV
Nang makatakas kami sa mga zombies ay tumigil kami sa isang malaking cinema, napansin kasi namin na tahimik sa banda rito.
“Tingnan muna natin sa loob kung may mga zombies,” sabi ni Warren kaya sunod-sunod kaming pumasok sa loob.
Nangunguna ang nagtatapang-tapangan na si Lex, sana lang talaga ay may lumitaw na mga zombie para ngumalngal na naman ang isang ‘to at isigaw ang mama niya.
Wala pa kami sa kalagitnaan ng cinema ay nagtawanan bigla silang lima, kahit si Warren humahagalpak ng tawa.
May tinuturo si Gian na malaking poster.
“Ano ‘to? Kamukhang-kamukha ni Jake,” hagalpak niya ng tawa.
Saglit na nanlaki ang mata ko dahil, sh¡t! Kamukha ko nga ‘yung nasa poster! Ang masama lang, babae ‘yon na may buhat na baby.
May pinulot si Ken na spray paint na nakalat dit
