--------
***Azalea’s POV***
-
“Azalea, ija, thank you sa pagpayag mo para maging modelo sa mga bagong labas na mga swimwear ng Safarra’s Collection.” Ani sa akin ni Ma’am Safarra Montreal Aragon. Tita siya ni Yashir, kapatid ng kanyang ama.
Sinabi na niya sa akin ang kagustuhan niyang kunin ako bilang modelo noong kinuha naming dalawa ni Yzari ang gown niya para sa birthday niya. Pero matagal na talaga niya akong kinukumbinsi na maging modelo niya kahit isang beses lang. Kaya lang, bukod sa ayaw ko talaga, ayaw din ni Yashir—lalo na kung ang isusuot ko ay mga swimwear.
Ngayon lang ako pumayag. Isa si Yzari sa dahilan. Natutuwa siya’t ini-encourage pa niya ako. Hindi pa naman halata ang tiyan ko, at sabi ng ob-gyne ko, wala namang magiging problema. Kaya binuo ko na rin ang pasya kong
