--------
***Third Person’s POV***
-
Sandaling napanganga si Azalea.
Tamis ng pagmamahalan? Sa loob-loob niya, mukhang may saltik na yata sa utak ang lalaking ito.
Fine. Talagang matamis ang alaala nila noon sa talampas—hindi niya itatanggi iyon. Pero kung inaakala ni Yashir na pagmamahalan na agad ang lahat ng matatamis na sandaling iyon, nagkakamali ito. Dahil sa bahagi ni Yashir, wala naman pagmamahalan doon. Lahat ng matamis ay tila panandaliang aliw lamang.
“Ayoko nga! Bakit ba ang kulit mo? Ang tigas ng ulo mo!” inis na sigaw niya, halos napipikon na ang tono.
Ramdam niyang naiipon na ang luha sa gilid ng kanyang mga mata. Gusto na talaga niyang maiyak. Hindi na ba siya kayang tantanan ng lalaking ito? Hindi ba nito naiintindihan na hindi na siya yung dating Azalea—yung Azalea
