-------
***Azalea’s POV***
-
“Mommy, ano po ang ginagawa natin dito? Bakit nandito tayo sa ospital ngayon? Hindi ko naman check-up ngayon. Sabi sa akin ni Dr. Montecillo, babalik lang ako after two weeks. At saka, hindi naman ito ang ospital kung nasaan si Dr. Montecillo,” sunod-sunod na tanong ni Yzari habang kunot-noo siyang nakatingin sa akin. Halatang-halata sa kanyang mukha ang pagtataka at pagkabigla.
Tumingin ako sa orasan. Mamaya pa ang prenatal check-up ko. Kaya’t dahan-dahan akong naupo sa isang bakanteng upuan sa waiting area, at pinaupo ko rin si Yzari sa tabi ko. Hinawakan ko ang maliit niyang kamay—malamig at malambot—saka ko siya tinitigan nang buong lambing.
“Yzari, sweetheart...” malumanay kong panimula, pilit na pinapakalma ang mabilis na kabog ng dibdib ko. “Paano k
