“Buntis ka? How come?” Tila hindi makapaniwalang tanong ni Kuya matapos kong sabihin sa kaniya ang totoo. Humiwalay ako sa pagkakayakap sa kaniya bago humihikbing ipinakita sa kaniya ang nahulog na pregnancy test ko sa sahig. Mahigpit ang kapit ko roon kanina ngunit nang sabihin ni Iverson na gusto na niyang makipaghiwalay sa akin ay hindi ko na namalayan na nahulog na pala iyon sa sahig.
Just like the way I held that pregnancy test, unti-unti na ring lumuwag ang kapit ko kay Iverson. Ngayon na wala na kami, para saan pa ang lahat? Ano naman kung magkakaanak na kami? Babalik ba siya sa akin kapag nalaman niya na buntis ako sa magiging anak namin?
“Here,” mahinang tugon ko kay Kuya habang ipinapakita sa kaniya ang hawak ko. Agad namang lumiit ang mga mata niya na animo’y sinusuri iyon.
