“Saan ba kasi kayo galing ni Sir Yvvo kagabi, huh, Riley? Alam mo bang halos mabaliw si Mamang Ichi kakaisip kung nasaan kayo?”
Napalabi ako dahil sa tanong ni Ate Andeng bago prenteng nagkibit-balikat sa kaniya. “Naligaw lang kami dahil hinabol kami ng baka tapos inabot kami ng malakas na ulan kaya sumilong muna kami sa kung saan at doon nagpalipas ng gabi,” sagot ko.
“Ha? Nagpalipas kayo ng gabi nang. . .” Tumigil siya sa paglalakad at nanlalaki ang mga matang tumingin sa akin. “Nang kayo lang dalawa, ganoon ba?!”
Inosente naman akong tumango bilang sagot sa tanong niya. “Oo naman. Hindi kami makauwi dahil sa lakas ng ulan, e. Buti nga at hindi bumaha sa kung nasaan kami.”
“A-Anong ginawa niyo habang kayo lang?”
“Nag-usap,” sagot ko at nagkibit-balikat sa kaniya.
Tumikhim siya kaya
