"CONGRATULATIONS, AGAIN, Mr. and Mrs. Aragoncillo!" Nakangiting bungad sa amin ni Doktora Salve pagpasok nitong muli sa loob ng clinic, dala na ang isang papel na naglalaman ng resulta ng test na isinagawa sa akin.
Ito rin ang unang doktor na pinagdalhan sa akin noon ni Aki, kung saan nalaman namin na buntis ako kay Baby Maki.
Kagaya ng sinabi ni Aki kahapon sa reception ng binyag ni Baby Maki ay pilit ako nitong dinala sa doktor ngayong araw na ito upang magpa-check up. Lalo at kaninang umaga ay hindi ko nakuhang itago rito ang pagkaliyo ko na naman at pagsusuka sa CR. Nasa loob kasi ito ng shower nang nagkukumahog akong pumasok at dumiretso sa sink, saka nagsuka nang nagsuka.
Ni hindi ko na nga nakuha pang maligo, dahil grabe talaga ang hilo ko. Ito na rin mismo ang nagbihis sa akin a
