"UUWI NA TAYO?" Baling sa akin ni Aki nang makaupo na sa manibela.
Nakakunot ang noo ko itong nilingon at marahang tumango. "Yeah. Baka namemerwisyo na si Baby Maki, at hinahanap tayo." Sagot ko pa.
Kagagaling lang namin sa clinic ni Dra. Vasques at katulad nga ng sinabi ni Dra. Salve, ay kinumpirma nito sa amin na tatlong linggo nga akong magdadalang tao.
Kahit halos inaasahan na namin na iyon nga ang magiging resulta ay hindi pa rin namin napigilan ang labis na matuwa sa ibinalita nito.
Ayon dito ay wala naman daw problema kung dalawang buwan pa lamang akong nakakapanganak sapagkat normal delivery naman daw ako. Basta't malusog ang pangangatawan ko, malusog ko ring mailalabas ang bata.
Matapos magbigay ng mga bilin tungkol sa pagbubuntis, at ilang mga bitamina para sa baby ay nagpaa
