"SERIOUSLY?!" Bulalas ni Papa, habang nanlalaki pa ang mga mata, pati na butas ng ilong sa harap namin. "What the fvck?!"
Kagat ang pang-ibabang labi na nagyuko naman ako ng ulo upang umiwas ng tingin dito.
Kapwa kami nakaupo ni Aki sa mahabang sofa habang paroon at parito naman si Papa sa harapan namin. Si Mama ay nasa pang-isahang sofa, malapit sa amin at hindi rin makaimik sa biglaang outburst ng papa ko.
Mukhang hindi rin inaasahan na ganito ang magiging reaksyon ng asawa.
Tapos na kaming mananghalian nang dumating ito at nasa sala na lang para talaga hintayin ang pagdating nito. Sinabi ni Mama na paparating na raw ito at doon na kami maghintay. Si Yaya Melba ay iniakyat na si Baby Maki sa silid nito upang doon ituloy ang tulog ng alaga.
Kadalasan, ay ako ang katabi ni Baby Maki k
