NAGISING AKO SA messege alert tone ng cellphone ko.
Actually, hindi lang isang beses kong tila naulinigan ang pagtunog niyon. Para pa ngang narinig ko ang pagri-ring niyon kanina, hindi ko lang pinagtuunan ng pansin, dahil ang buong akala ko ay nananaginip lang ako.
Pero makulit ang tumatawag. Na sinasalitan pa ng mga texts.
At nang tuluyan nang magising ang diwa ko, that's when I finally realized, na tumutunog pala talaga ang cellphone ko.
Gising na ang diwa, ngunit pikit pa ang mga matang umangat ang kamay ko upang abutin ang nag-iingay ko na namang cellphone sa ibabaw ng nightstand. Medyo nahirapan pa nga ako dahil mahigpit na nakapulot sa katawan ko ang mga bisig ng asawa ko, na mahimbing pa ring natutulog sa tabi ko. Na nang maramdaman ang pagkilos ko at bahagyang paglayo sa kataw
