"K-KUNG... KUNG MAGAGALIT ka sa akin, m-maiintindihan ko--"
"Shh..." kaagad kong saway kay Brianna, hindi pa man ito natatapos magsalita.
Ilang minuto rin ako nitong hinayaang tumangis, at ipagluksa, ang wala akong kamalay-malay na pagkawala ng magiging anak sana namin, limang taon na ang nakalilipas. Mahigpit lang itong nakayakap sa akin, at pilit na ipinaamot sa akin, ang alam ko namang kakaunti na lamang din niyang natitirang lalas.
Ang sakit pala.
Hindi ko maipaliwanag ang sakit at pangungulilang lumukob sa buong pagkatao ko, lalo na nang mahawakan ko ang cremation pendant kung saan naroon ang abo ng anak namin.
Nang anak namin na hindi pa man ipinanganganak, ay kaagad nang binawi sa amin, sa napakasakit na paraan.
Pakiramdam ko ay basag na basag ako.
Wala akong natatandaan na n
