"HALIKA NA, IHAHATID NA KITA."
"Anong ihahatid?" Piglas ni Marga sa hawak ko ngunit hindi ko binitiwan ang kamay nito. "Bitiwan mo nga ako Kit, hindi ako sasama sa 'yo!"
Hindi ko ito pinansin. Sige lang ang hatak ko sa kanya. "Sa ayaw at sa gusto mo, sasama ka sa akin."
Hindi ko ininda ang malakas na hampas nito sa likod ko. "Gago ka pala, eh!"
"Pare, sinabi na ni Marga na ayaw niyang sumama sa 'yo." Tinangka pa ni Kulugo na pigilan ako. Umangat lang ang gilid ng mga labi ko bilang pag-ismid dito. Ni hindi ko ito tiningnan.
"Hindi tayo magkumpare, gago." Sa halip, ay mahina, ngunit mariin kong turan. Sapat lang para marinig nito at ng mga taong nasa paligid namin.
Umani iyon ng isa pang hampas sa balikat mula kay Marga bilang pananaway sa akin.
At nang tangkain nitong sumunod sa ami
