MARAMI PA NAMANG IBANG BABAE DIYAN.
Iyon ang madalas kong sabihin sa sarili ko pagkatapos ng gabing iyon.
Hindi ko maintindihan kung bakit parang napakalaki ng galit sa akin ni Marga. Kahit anong pilit ko na kausapin ito at makipagbalikan, pulos hindi ang sagot nito sa akin.
Mabuti pa raw siguro na maging magkaibigan na lang muna kami. Bata pa raw siya at hindi pa siya handa sa klase ng relasyon na gusto at kailangan ko.
Tng ina. Paano kami magiging magkaibigan kung may pagnanasa ako sa kanya?
Pero sa katngahan ko, pumayag naman ako.
Sabi ko nga, kung talagang ayaw niya, hindi ko naman siya pipilitin. Hindi pa ako namilit ng babae kahit na kailan.
At hindi kay Marga mag-uumpisa 'yon.
"Eh, pa'no 'yan?" Nananantiyang tanong sa akin ni Aki nang yayain ko itong uminom, hindi ko alam ku
