NINE O'CLOCK.
Lalo ko pang binilisan ang bawat kilos ko, pagkakita ko sa oras.
It's my seventeenth birthday today, at ang sabi ni Ninong Aki ay mayroon daw siyang sorpresa sa akin, kaya't kailangan kong gumising ng maaga.
Ewan naman kung sa excitement sa birthday ko, o sa sorpresa sa akin ni Ninong, lalo naman akong hindi nakatulog kagabi. Kaya't heto ang resulta... alas otso na ako nagising.
Isa pa muling huling sulyap ang ginawa ko sa malaking vanity mirror ko, at nang masigurong presentable na ang hitsura ko ay ipinasya ko nang bumaba, at tiyak na nasa baba na at naghihintay na ang ninong ko. Baka nga inip na inip na iyon. Kundangan naman kasi.
Pagbukas ko ng pintuan ng aking silid ay sinalubong ako ng tahimik na kabahayan. Wala kang kahit na ano'ng ingay sa paligid na maririnig.
