"ANO ba kasing libro ang hinahanap mo?"
Kanina pa kami rito makatayo ni Kael sa likod ni Aria, habang nahawi na yatang lahat ng kaibigan namin ang mga aklat na nakapatong sa mga bookshelves, pero hanggang ngayon ay hindi pa rin nito natatagpuan ang sinasabi nitong libro.
Sinamahan namin ito ni Kael sa mall, dahil anito, ay lumabas na raw ang bagong libro ng paborito nitong author, at ayon dito ay mabilis daw iyong maubos sa mga bookstore. Sa kapipilit nito sa amin buong maghapon, sa bandang huli, ay wala na lang kaming nagawa kung hindi ang samahan nga ito. Kilala ko naman si Kael. Kahit na lagi silang nagbabangayan nitong si Aria, alam ko naman na hindi rin nito matitiis na lumakad mag-isa ang kaibigan namin.
At ito na nga... inabot na yata ito ng isang oras dito sa loob ng bookstore k
