IMBES NA magising, pakiramdam ko ay ipinaghehele ng malamyos na tinig na iyon ang kamalayan ko. Ipinaling ko pa ang ulo ko sa kabilang direksyon upang humanap ng mas maganda pang pwesto.
"Baby, wake up..." Narinig kong malambing na bulong ng tinig.
Pakiramdam ko ay kay lapit-lapit lamang niya. Parang nalalanghap ko pa ang mabangong hininga niya na pumapaypay sa mukha ko.
"Hmm... yes, baby?" Wala sa loob na usal ko sa aking panaginip.
"Wake up..." Sagot na naman ng malamyos na tinig na iyon, na pilit na nagsusumiksik sa nahihimbing kong kamalayan.
"Hmm... five minutes. I am so sleepy." Halos paungol na usal ko.
Narinig ko pa ang mahinang pagtawa ng may-ari ng tinig na iyon. Napapaisip tuloy ako kung ano ba ang nakakatawa sa sinabi ko.
Bibiling sana ako ng higa pero parang mayroong p
