PAGPASOK ko ng komedor ay nakaupo na sila, bagaman hindi pa nag-uumpisang kumain, at mukhang hinihintay pa na pumasok kami nina Ninong at ng girlfriend nito.
Naunang nag-angat ng tingin si Papa sa akin.
"Oh, nasaan na 'yung dalawa?" Kaswal nitong tanong, sabay tingin sa likod ko.
Sa akin na ngayon lahat nakatuon ang mga tingin nila.
Sandali din akong lumingon sa pinanggalingan ko, bago nagkibit ng mga balikat. "Mauna na raw po ako, sabi ni Ninong. Susunod na lang daw po sila." Ani ko, habang papalapit sa upuan ko.
Umarko ang mga labi ni Papa, at nagkibit din ng mga balikat, ngunit hindi na ito nagkomento pa.
"Sige na, kumain na tayo, at baka may pag-uusapan pang importante ang dalawa." Sa halip, ay si Mama ang nagsalita.
Matapos umusal ng maigsing panalangin ay nag-umpisa na nga kam
