NANG matapos na kaming kumain ay tinangka pa ring hingiin ni Kael ang bill namin. Hindi kasi namin alam kung paano ba ang gagawin. Wala si Ninong Aki sa paligid
Kanina, sa gilid ng aking mga mata, na unconsiously, ay nakasubaybay sa bawat kilos niya, ay nakita ko siyang pumasok sa pintuan sa pinasulok ng coffee shop na may nakalagay na 'office', kasama iyong honey niya. At mula nang oras na iyon, ay hindi na lumabas ang dalawa mula roon.
Lihim pa akong napasimangot nang mapaisip kung ano nga ba ang ginagawa nilang dalawa roon sa loob.
Hindi namin alam kung basta na lang ba pwede kaming umalis sa coffee shop, o ano. Baka mamaya, kapag palabas na kami ay bigla na lang kaming harangin ng guard, at sabihing hindi pa bayad ang mga kinain namin.
"Ahm, Sir, okay na po," magalang na sagot nama
