HINDI ko alam kung gaano katagal akong naka-idlip. Iyong pakiramdam na hindi na gumagalaw ang sasakyan ang siyang nagpagising sa akin.
Dahan-dahan kong iminulat ang aking mga mata, at nagulat pa ako nang makita kong katabi ko na sa likod na upuan si Ninong Aki. Hindi ko mabasa kung ano ang ibinabadya ng mga mata niyang matiim na nakatitig sa akin.
Nahuli ko pa ang mabilis at tila tarantang pagbaba niya ng kamay niya sa gilid ng hita niya. Bakas na bakas din ang gulat sa mukha ni ninong nang magtama ang aming mga mata.
Ano'ng nangyayari?
On instinct, ay pasimple kong sinalat ang magkabilang gilid ng mga mata kong baka mayroon nang muta, kahit sa sasandali ko pa lamang na pagkaka-idlip. Mariin ko ring ipinaglapat ang mga labi kong bahagyang naka-awang, habang marahan kong iniuunat ang ak
