KIT
"DID YOU HEAR THAT, HON?" Masuyong tanong ko sa walang malay kong asawa nang makaalis na si Aki.
Gayon pa man, ay umangat ang gilid ng mga labi ko nang mabanggit ang kaibigan namin.
Mahigpit ko pa ring hawak ang kamay ni Marga at hindi binibitiwan. Nais kong ipadama rito ang presensya ko. Ang init ng aking balat. Nais kong maramdaman nito na narito lang ako sa kanyang tabi, at naghihintay ng kanyang pagbabalik. Ng kanyang paggising.
Ang sabi sa akin ng doktor ay palagi ko raw kakausapin ang asawa ko. Makatutulong daw iyon para mas maging mabilis ang paggising nito. Kaya't sa araw-araw na ginawa ng Diyos, wala akong ginawa kung hindi ang kausapin ito, o kwentuhan ng mga nangyari sa akin sa buong araw.
Hindi rin ako pumapalya ng dalaw dito. Kung maaari nga lamang na huwag na akong u
