"HOW ARE YOU?"
Sandali akong natigilan sa tanong na iyon sa akin ni Kael. Kapagkuwan, ay pinilit kong ngumiti at saka nagkibit ng mga balikat.
Kadarating lang daw nito at ng asawa nito mula sa isang buwang biyahe para sa kanilang honeymoon. At sadyang pupunta raw talaga sila rito para dalhin ang pasalubong ni Maki at ng kambal at para na rin makasama ni Nickos ang mga kapatid niya. At ganoon na lang ang gulat nito nang malaman ang nangyari kay Mama at ang kalagayan nito sa ngayon.
Kahit anong pilit ko ay mapait na ngiti pa rin ang gumitaw sa mga labi ko. "I... I actually, don't know how to answer that."
Muli akong nagyuko ng ulo at ipinagpatuloy ang ginagawa. Ako ang personal na gumagawa ng mga souvenir para sa birthday ni Maki sa isang linggo. Kahit anong pilit sa akin ni Aki na ipaga
