NGUNIT ANG BUKAS ay hindi pa rin nangyari.
Pagkagising ko ng umaga ay nasa kabilang bahay na si Nanay at abala na sa pagmamando sa mga kasambahay ng mga dapat unahing gawin. Medyo tinanghali kasi ako ng gising dahil halos mag-uumaga na rin akong nakatulog sa kaiisip ng gagawin sa sitwasyon namin ni Marga.
At dahil nga may klase pa ako at kailangan ko nang pumasok, bukod pa sa talaga namang abala si Nanay, ay hindi ko na naman ito nakausap. Nagpaalam lang ako rito, at pagkabigay ng baon ko, umalis na rin ako.
Mamaya na lang pag-uwi ko. Sabi kong muli sa isip ko.
Na hindi na naman nangyari.
Sa loob ng ilang araw na laging ganoon ang sitwasyon namin ni Nanay. Hindi ako makakuha-kuha ng tiyempo na sabihin dito ang sitwasyon namin ni Marga. Kung hindi siya ang pagod, ako naman ang busy sa
