"NAGMAMADALI KA? May lakad ka?" Tanong sa akin ni Aki dahil lakad-takbo ang ginagawa ko pagkalabas pa lamang ng room namin sa huling subject.
Katatapos lang ng last subject namin, at buti na lang ay long quiz lang kaya't madaling nagpauwi. May usapan kami ni Marga na magkikita sa gym. May laro ang basketball team na gaganapin sa St. Louis High School at kabilang ang section nina Marga sa mga required manood para suportahan ang school.
Usually, ginagawa talaga ng school 'yon sa mga freshmen. Kailangan nilang manood ng basketball at may additional na grade iyon sa PE subject nila. Two meetings din na walang pasok, at kung hindi ka manood ay absent ka sa dalawang meetings na iyon.
Kagabi, napag-usapan namin iyon ni Marga sa text at sinabi ko rito na sasamahan ko siya. Ayaw pa nga ako niton
