"BAKIT ka ba kasi nagkasakit?" Kahit namumungay ang mga mata sa bigat, ay pinilit ni Aki na dumilat at tiningnan ako, habang naka-angat ang isang kilay. May sarkastikong ngiti rin na nakapaskil sa mga labi nito.
"Love, meron bang tao na alam kung bakit siya nagkasakit?" Wika pa nito sa paos na tinig.
Tiningnan ko lang ito, at inismiran at saka bumuntong-hininga, pero hindi na ako nagsalita.
Kasi naman, bukas na ang kasal namin ni Aki sa simbahan, at ngayon niya pa napiling magkasakit?
Tinawagan ako nito kanina at kaagad kong naramdaman, base sa boses nito na hindi nga maganda ang pakiramdam nito. Kaya't kaagad akong nakiusap kay Nanay na baka pwede ko itong puntahan at alagaan.
Wala naman na itong nagawa, lalo na nang malaman kay Doña Victoria na totoong may sakit nga ang asawa ko, at
