KAPWA MAY NGITI SA MGA labi namin ni Aki, habang pinanonood ang anak namin na maganang dumededè mula sa dibdib ko.
Kani-kanina, ay nagpa-alam nang umalis ang mga magulang nito, sapagkat mayroon pa raw meeting na pupuntahan ang daddy ni Aki. Kaya't kami na lamang dalawa ang naiwan sa silid, kasama ang anak namin.
Ang pagkakaalam ko, si Aki sana ang pupunta sa meeting na iyon, pero dahil bagong panganak nga ako, ay nagpresinta ang ama nito na siya na lang muna.
Sa labis na pagpapasalamat ko.
Katakot-takot na bilin ang ginawa ng Doña, bago umalis. Gusto pa nga sana nitong iwan ang isang kasambahay na kasama nito, tinutulan na lamang ni Aki, at kaya naman na raw niyang kumilos mag-isa.
Isa pa, darating naman mamaya si Nanay, kaya may mag-aasikaso pa rin sa akin, kung sakali, at kinakailan
