PUMASOK kami ni Zeke sa loob ng opisina ko. May dala siyang lunch at mukhang hindi pa ito kumakain dahil nga hinihintay ako. Wala naman akong maalalang sinabi niyang sabay kaming magla-lunch ngayon.
“Bakit hindi mo sinabi sa akin na pupunta ka rito?” tanong ko sa kanya. Hindi ako kinakabahan dahil wala naman akong ginagawang masama.
“Answer my question first. Sinong kasama mo sa café?” pag-uulit niya sa tanong niya kanina pa.
Humalukipkip ako dahil sa sinabi niya. “Ano bang sinabi sa ‘yo ni Miles? Magre-report na lang, hindi pa kumpleto.”
Kapag sinabi ko na may hindi kami pagkakasundo ni Miles, madalas ay sa lalaki! Kaunting may makausap lang ako ay sinusumbong niya kay Zeke! Akala mo lahat ng lalaki rito may gusto sa akin!
“I want to hear the details from you.” Naglakad siya papalap
