MABILIS akong lumapit kay Zeke. Hindi ko man inaasahan na makita siya rito, somehow ay masaya akong makita siya. Na kahit kanina ay natakot pa akong malamangan na naman ng selos ang emosyon ng isang ito, masaya pa rin akong naandito siya.
Hinawakan ko kaagad ang braso niya at kahit na naramdaman na niya ako sa tabi niya, nanatili ang malamig ngunit matalim niyang titig kay Evan.
Tumingin ako sa banda nina Miles. Napatayo siya ng tuwid nang tumingin ako sa kanya. Nagkibit-balikat siya at umiling, na para bang ipinapahiwatig niya sa aking wala siyang kinalaman sa pagpapakitaa ni Zeke rito at wala siyang sinasabi sa boss niya.
Naniniwala ako sa kanya. Miles is not someone who loves to lie. Sasabihin niya ang totoo sa ‘yo kahit gaano pa iyon kasakit o kapangit.
“Zeke, anong ginagawa mo rit
