Gusto nang maiyak ni Alondra. Pasado alas nuwebe na pero na-stuck ang sinasakyan niyang bus sa traffic. Kalahating oras na siyang nakatigil sa EDSA ay di pa rin lumiliko ng Ayala Avenue ang bus.
Tinanghali kasi siya ng gising dahil napagod siya sa paglilipat at pag-aayos ng gamit niya sa maliit na apartment na nilipatan niya. Pasalamat na lang talaga siya dahil nang mag-alsa balutan siya mula sa condo ni Micah dalawang araw na ang nakakaraan ay umalis sa apartment ng kaibigan ng kasamahan niya ang isang tenant. Kaya naman nakalipat siya agad at di siya siningil muna dahil na rin sa awa sa kanya nang malamang nasunugan siya.
Sa dinami-dami naman ng araw na pwede siyang ma-late, ngayon pa kung kailan first day ng pagpasok ni Micah sa Zest Ads.
Kinakabahan pa rin siya kahit na may garant
