Pamela
Nagising ako dahil walang tigil sa ingay ng alarm clock sa tabi ng hingaan ko. Nakapikit pa akong dinampot upang patayin. Pinilit kong alisan ang antok ko pang diwa. Nakaunan ako sa balikat ni Blaze, nakapatong naman ang isang palad ko sa dibdib niya nakapikit pa ito payapa pang natutulog.
“Blaze, woi, Blaze, gising na,” kinuhit ko sa mukha niya.
“Mmm…” iyon lang ang sagot sa akin nanatiling tulog.
“Blaze!” inulit ko sa ilong naman niya ang nilapirot ko.
Kung hindi lang sa lakad namin ni Marikit. Gusto ko pa rin matulog. Gusto ko pa rin makulong sa mga bisig ng asawa ko. Namiss ko rin siya sobra. Kaya lang wrong timing ang pagpunta nito aalis kami ni Marikit, hindi naman p'wedeng ma postpone magtatampo ang baklita kong kaibigan.
“Gising na kasi Blaze, may pupuntahan ako ngayon
