Naramdaman ko ang paghinto ng sinasakyan naming van kaya napatingin ako sa labas ng bintana at pinahid ko ang mga luhang kumawala sa pisngi ko na hindi ko na naman namamalayan. Nasa isang tago kaming hospital? May taas itong tatlong palapag at napapalibutan ito ng mga puno. Nasa isa kaming probinsiya kaya umabot din ng tatlong oras ang byahe namin habang nakasunod lang sa kotse nila tita.
Nakita ko ang pagbaba nila Tita Ivette sa kotse nila at hinintay kami sa entrance ng gusali habang isa-isa kaming lumalabas ng van. Nagpahuli ako dahil sa nanghihina kong katawan. Lalo na ang mga tuhod ko. Hindi pa ako handing makita siya sa kung ano ang sitwasyon niya pero dahil sa hiningi ito nila tita ay kailangan para kahit papaano ay makabawi naman ako. Gusto ko mang tumakbo papalayo at iisiping
