Chapter 7: Friend
Xyreb's POV
MAKALIPAS ang ilang mga araw na pag-re-review ay dumating na rin ang aming finals na talagang ikinakaba ng lahat ng mga estudyante at isa na ko ro'n. Kabado ako dahil finals na namin kaya't hindi na rin ako nakatulog ka-re-review. Kailangan ko kasing makapasa dahil gusto kong maganda ang transcript ko para madali akong makapasok ng trabaho at saka hindi ako papayag na wala 'kong masungkit na mga awards. Achiever kasi talaga 'ko at gusto kong matumbasan din ang paghihirap ni Mama sa pagtatrabaho. Kahit dito man lang ay makabawi ako at mapasaya siya.
“Listen, Grade 12-STEM A, kapag bumagsak kayo sa subject ko'y ihanda ninyo na ang inyong mga sarili sa dalawang kababagsakan ninyo. Magkaroon ng failing grade o maging repeater. Kahit graduating na kayo at kapag
