Sobrang sakit ng ulo ko nang magising ako. Dahan-dahan kong inimulat ang mga mata ko at nakita ang isang pamilyar na kwarto. This is my room. Akala ko pa naman ay nakatulog ako sa resort kagabi. Sobrang pagod na pagod pa rin ang katawan ko ngayon at nanlalambot ako. Ngayon ko lang naramdaman ang pagod nang magising ako.
Tiningnan ko naman ang orasan sa gilid ko at nakitang alas-singko na ng hapon! Ibig sabihin ay sobrang haba ng naging tulog ko. Kaya pala ang sakit ng ulo ko dahil nasobrahan na ako sa tulog. Pero kahit na sobrang haba na ng naging tulog ko, pakiramdam ko ay kulang pa rin.
Narinig ko naman na may kumatok sa pinto ng kwarto ko. “Vivianna, gising ka na ba?” dinig ko na sambit ni Mommy.
“Yes, Mom!”
Pumasok na siya sa kwarto ko, kaya dahan-dahan akong bumangon. May dala
