“Welcome back, Atty Sanchez!”
Tipid na nginitian ni Rick ang sekretarya nito nang madaan niya ito papasok sa opisina niya.
Huminga siya ng malalim nang makita sa ibabaw ng malapad niyang lamesa ang dedication cake na may nakalagay na ‘To the best Lawyer in town!’. Nakalabas ang round cake at nakapatong iyon sa box nito. Inilagay niya muna ang backpack sa swivel chair saka nilapitan ang cake at hinawakan iyon. Mabilis din niya na ibinababa saka ibinalik sa loob ng box nang maamoy ang flavor niyon.
Strawberry.
Sa dinami-raming flavor ng cake sa buong mundo ay talagang strawberry pa ang napiling bilhin ng sekretarya para sa pagbabalik niya matapos ang halos isang buwan na bakasyon. Huminga na lamang siya ng malalim at naglakad patungo sa fridge saka ipinasok doon ang box
