“Rick…” mahinang wika niya saka agad na sinara ang laptop bago pa may masabi na kung ano.
Napahawak si Kourtney sa dibdib niya nang maramdaman ang malakas na pagkabog niyon. Huminga siya ng malalim at pilit na pinakalma ang sarili. Itinabi niya ang laptop sa bedside table at humiga sa kama. Mariin siya na pumikit sa pag-asa na makakalimutan niya agad ang nakita niya kanina ngunit nagkakamali siya dahil pagkapikit pa lamang niya ay agad ng rumehistro sa isipan niya ang mukha ng lalaking mahal na mahal niya.
Mabilis na napadilat si Kourtney at agad na bumangon. Muli siyang huminga ng malalim saka bumaba ng kama at lumabas ng kuwarto niya. Mukhang hindi na rin naman siya makakatulog kasi mag-u-umaga na kaya magpapahangin na lamang muna siya.
Maingat ang bawat hakbang niya na lu
