Nagising si Kourtney dahil sa ingay na naririnig. Dahan-dahan siyang nagmulat at agad na nagsisi nang mabungaran ang unang pares na mga mata na nakita niya. Agad na nag-iwas siya ng tingin saka dahan-dahan na bumangon mula sa pagkakahiga sa couch. Inilibot niya ang tingin sa kabuuan ng silid at nakita sina Avery at Red na magkatabi na nakaupo sa dalawang upuan sa kabilang bahagi habang nakatayo naman sa gilid ng pinto si Rick at nakatingin sa kanya.
Nakita niya rin si Kenneth na kasalukuyan ng karga-karga ang baby nito habang nakangiti. Naririnig din niya ang paulit-ulit na pagpapasalamat nito sa pinsan niya na hindi niya sure kung matutuwa ba siya o ano.
“Kourtney!” dinig niyang tawag sa kanya ni Avery nang makita na gising na siya. Mabilis itong tumayo mula sa kinauupuan at lum
