"Ako na maghuhugas ng mga pinggan, Rose." Boluntaryo kong alok sa aking bagong leader dito sa samahan.
Parang kapatid na rin kung ituring ako nito kaya hindi ako nahirapang pakisamahan ito sa pagtuturo mula nang palitan niya si Christian bilang leader ko.
"Naku, 'wag na nakakahiya sa malaporselana mong balat. Baka makatay pa ako ni Christian," turan naman nito.
"Sira!" Mahinang hinampas ko siya sa kaniyang braso.
"Ako na nga ang maghuhugas diyan para naman may magawa ako rito sa samahan." Pagpupumilit ko pa sa kaniya.
"Ba't hindi ka na lang kaya roon sa loob tumambay at samahan mo ang mga bata sa kanilang pagre-retreat?"
"Sshh... H'wag kang maingay." Inilapit ko ang bibig sa kaniyang tainga at mahinang bumulong kuno.
"Inaantok ako!" Umakto pa akong maiyak-iyak kuno.
"Bruha ka tala
