ILANG TAO muna sa ospital ang tinanong ni Kate kung nakikita ng mga ito si Euan Altamirano bago siya nakumbinsi na hindi niya nilikha ang doktor. Si Euan Altamirano ang siruhano na tinatawag ng marami na “Miracle Man.”
Pagbalik ng kanyang mga kapatid, tinanong din niya ang mga ito kung nakikita ng mga ito si Euan Altamirano. Hindi siya gaanong pinansin ng dalawa dahil parehong abala sina Kristine at Karol sa nadaramang guilt. Nalaman kasi ng mga ito ang pagkakaroon niya ng panic attack. Dapat daw ay hindi umalis ang mga ito sa kanyang tabi. Paano daw kung hindi na siya nakahinga? Ano ang gagawin ng mga ito kung namatay siyang nag-iisa?
Niyakap siya nang mahigpit ni Karol. Kaagad na sumunod si Kristine, sumampa pa ang kanyang kapatid sa kama.
Tumingin siya kay Andre na siyang tanging kal
