Pilit na ngiti ang iginawad ni Ursula sa umaakyat na ligaw na si Rye. Sisimangutan sana niya ito nang malamang naroon ang binata, pero nasa tabi pala nito ang lola. Agad itong tumayo at iniabot ang bungkos ng bulaklak na napakaganda ng pagkakaayos pero wala naman siyang pakialam doon kahit pa napakamahal niyon.
“Anong ginagawa mo rito?” patamad na naupo si Ursula sa one seater sofa habang ito ay sa katabi ng lola naupo, sa bandang kaliwa niya.
“Ursula, umaakyat ng ligaw itong si Rye, maayos na nagpaalam sa akin at pumayag ako. Huwag kang ganiyan.” Bagamat nakangiti ang kaniyang lola, alam ni Ursula na hindi nito nagugustuhan ang ipinapakita niya.
Huminga ng malalim si Ursula at kinalma ang sarili. Nais na niyang sabihin na wala siyang nararamdaman dito kung hindi pagka disgust. Pero ala
