Isang malakas na pagbangga ng katawan ang halos magpatumba kay Ursula. Pabigla kasi ang ginawa niyang pagbukas sa pinto ng banyo at siya namang pagpasok sana ni Lea, Accounting Head nila.
“Naku ma’m, sorry po.” Natatarantang inalalayan siya nitong makatayo ng ayos. Inis na tinanggal naman ni Ursula ang kamay nitong nakahawak sa kaniyang braso.
“Mag-iingat ka kasi sa susunod.” At iirapan na sana niya ito ng mapansin ang pendant ng huli. Patuloy naman sa paghingi ng tawad si Lea bago pumasok sa loob ng banyo. Pero agad na nahawakan ni Ursula ang braso nito para mapigilan.
“’Yung report… this month bigay mo sa akin.” Iniharap niya si Lea habang mahigpit pa ring hawak ang braso nito.
Nagtatakang nag-isip si Lea. “Pero ma’m, na-send ko na po sa inyo ang soft copy. Sabi n’yo po kasi kahit
