Kabanata 43
A L I S O N
"Hindi ako makakasabay sa inyo ngayon. Mauna na kayo," sabi ko sa mga kaibigan ko nang dumating ang lunch break.
Nakalabas na kami ng room nang sabihin ko iyon. Napatingin silang tatlo sa akin.
"Magkikita kayo ni Thalia?" si Jewel.
Umiling ako.
"Hindi," tanging tugon ko.
"Eh, sinong kasabay mong mag-lunch?"
Nilibot ko ang tingin sa paligid. Wala pa si Blake, pero siguradong papunta na iyon. Mas mabuti na din sigurong hindi siya abutan ng mga kaibigan ko dahil baka hindi nanaman ako tantanan ng panunukso ng mga ito. Lalo na't kahapon lang ay si Kenzo ang kasama ko tapos ngayon ay si Blake nanaman ulit.
"Ow! I know na. May date kayo?" Ngumisi si Jewel at lumipat ang tingin niya sa likod ko.
Akala ko si Blake na iyon, kaya medyo nagulat ako nang makitang si
