"Kumusta ang meet-up?"
Excited na sumalubong sa'kin si Fhel Ashley pagkapasok na pagkapasok ko sa tinutuluyan naming hotel suite.
"Bakit ganyan ang hitsura mo?" maang pa nitong tanong habang pinasadahan ako ng tingin.
Napatingin tuloy ako sa sarili ko, at napagtanto kong mukha akong biktima ng karahasan. Gulong-gulo ang buhok ko, madumi ang suot kong damit, pati sapatos ko ay may sira pa sa unahan. Pwede na akong mag-sideline bilang pulubing namamalimos. Ang nakakagigil pa ay wala man lang sinabi si Sloan, hinatid niya pa talaga ako hanggang sa lobby ng hotel na ganito ang ayos ko.
"May nangyari ba? Bakit may mga lupa-lupa ka pa sa buhok mo?" patuloy na pang-uusisa ni Fhel. "Ang sabi ko sa'yo makipag-meet-up ka kay Cupid, hindi maglaro ng dungis-dungisan."
Magagalit na sana ako eh, p
