Pawis na pawis si Tony matapos siyang mag-igib. Humihingal ito.
"O, towel, punasan mo ang pawis mo!" ani Kristina sabay abot ng towel sa kanya.
"Ikaw na ang magpunas," hiling niya sa dalaga.
"Bakit, wala ka bang kamay?" masungit na wika ni Kristina.
Napanguso si Tony at saka pinunasan ang mga butil butil na pawis sa kanyang noo. "Nagtatampo ka pa rin?" anang binata. "Grabe ka pala magtampo, 'no? Paano ba mawawala ang tampo mo, ha?" malambing na wika ni Tony.
"Ewan ko sa 'yo!" masungit pa rin ang dalaga. Napangiti si Tony. "Sige, uuwi na nga lang ako! Hindi na ulit ako babalik dito. Ayaw mo na yata sa 'kin, e!" kunwari ay nagtatampong wika niya. Tumayo ito at dumeretso sa pintuan. "Pakisabi na lang kay Mang Arthur salamat sa kabaitan niya. Akala ko kasi, matutuwa ka kapag sinabi ko sa
