المشاغبة و زير النساء...

*اخيراً اتخرجت بقي بس انا اكيد مش هفضل قاعده في البيت لازم ادور علي شغل رغم اني عارفه ان امي هترفض بس لا انا لازم اشتغل واعتمد علي نفسي بقي...* رحمه: بت يا منه انا عايزة انزل ادور علي شغل منه: شغل اي يا رحمه ما انتي عارفه ان طنط هترفض مش جديده عليكي يعني رحمه: ما دلوقتي معندهاش حجه انها ترفض انا خلاص اتخرجت ومبقاش ورايا حاجه منه: مش عارفه بس انا مش معاكي في الفكرة دي رحمه: اخلصي بقي هتيجي تنزلي معايا ولا اروح لوحدي منه: وانا اقدر اسيبك يعني اجهزي وعدي عليا اكون لبست بس هتقولي لطنط اي رحمه: متقلقيش هقولها جايه اقعد عندك شوية انا مش هعرفها بالشغل غير لما ربنا يكرم والاقيه الاول منه: انا مش متفائل بس معاك يا صحبي رحمه: صديقي الصدوق يلا في ثواني هكون عندك *احب اعرفكم بنفسي بقي انا رحمه عندي 23 سنه لسه متخرجه جديد ونفسي اشتغل لكن دايما امي بترفض قال اي خوف عليا بس مش مشكله هقدر اقنعها قصيرة وشعري طويل وعيوني بني بحب القراءة والكتابة جدا... اااه ودي منه صحبة عمري اللي طلعت بيها السنين اللي فاتت دي كلها متخرجه معايا من نفس الكلسو بس نفسها تتجوز وبتعشق الاكل زي عنيها...* رحمه: ماما انا نازلة عايزة حاجه من تحت يا قمر زينب(الام): راحه فين علي الصبح يا اخرة صبري رحمه: مالك يا زوزا علي الصبح بس مين معصبك زينب: بت متلفيش ودوري انجزي راحه فين رحمه: يوه مالك بجد هكون راحه فين هو انا عندي مكان اروحه غير عند منه يعني زينب: معرفش ليه مش مرتحالك بس ماشي متتاخريش رحمه: حاضر يا قمر سلام *دي بقي امي اللي مليش غيرها عايشين انا وهي لوحدنا بعد بابا سابنا وبقيت هي كل حياتي بس للاسف تعبانه ونفسي اشتغل واريحها بقي واعملها العملية بتاعت قلبها عشان متتعبش ابداً بس هي كل همها تشوفني عروسة مش عارفه ليه مش كل حاجه جواز يا جماعه والله.... منه: كل دا ثواني انتي مفيش فايدة فيكي نفسي في مره تيجي في معادك يا بومة رحمه: يا ستي مكنوش عشر دقايق تأخير في اي بس منه: عشر دقايق اي انتي بقالك ساعه يا رحمه هتستهبلي رحمه: خلاص بقي يا منتي حقك عليا هعزمك علي كريب منه: اذ كان كدا اتاخري براحتك يا حوما رحمه بضحك: بتاعت بطنك اوي يا بت انتي منه: امال اموت يعني لازم اغذي نفسي رحمه: طب يلا يا اختي بقي خلينا ندور ومنتاخرش *في مكان تاني.... سليم: وبعدين معاك يا اياد كل يوم سهر وشرب ابوك لو عرف مش هيسكت اياد: يعرف ولا ميعرفش مش فارق معايا المهم ان الشغل ماشي وبي**ب الحمدالله سليم: نفسي اعرف انت بتفكر ازاي انت بدمر نفسك وصحتك كدا اياد بتريقه: مش مشكله اهو عمر وهيعدي المهم بقي سليم: خير يا استاذ اياد اياد: نزل اعلان اننا عايزين سكرتيرة جديده سليم باستغراب: ليه يا اياد الشركة مش محتاجه حد الفترة دي اياد: بس مكتبي محتاج سكرتيرة سليم: ما انت عندك واحده بره هو في اي اياد ببرود: مفيش طلعت جسوسة للمنافس بتاعنا ومتنفعناش خلاص بقيت كرت محروق سليم: جسوسة ينهار ابيض وانت عرفت ازاي ويعني اي بقيت كارت محروق اياد: يعني اللي بعتها كشفها وعرف اني بوصلها اخبار غلط عشان يخسر ويتشتت سليم: يخربيت دماغك يا ابني انت اي وبتعرف الحاجات دي ازاي اياد: مش مهم يلا نزل الاعلان عايز خلال يومين يكون عندي سكرتيرة جديده ومشي اللي بره دي مفهوم سليم: تمام علم وينفذ يا باشا *دا يبقي اياد ابن صاحب اكبر شركات في مصى عنده 26 سنه طويل وعنده عضلات وعيونه عسلي فاتح وسكري وبتاع بنات زي ما بيتقال عليه زير نساء ودا يبقي سليم صاحب عمره وعنده 25 سنه وشغال مع اياد في الشركة.... منه: انا تعبت بقي تعالي نقعد نستريح شوية رحمه: عندك حق والله الجو وحش اوي النهارده تعالي نقعد في الكافيه دا منه: يلا والنبي يا اختي مش كونا شوفنا حالة الجو ما ننزل اكيد دا كله عشان زوزا متعرفش حاجه رحمه: بت بطلي تبقي عاملة زي ضميري كدا واتلمي شوية منه: وانا قولت حاجه اتزفتي اقعدي بقي رحمه: لو سمحت اتنين عصير مانجا منه: وسندوتش معاك وحياة امك رحمه: يا بنت الطفسة ما لسه جيبالك كريب منه: اعمل اي جعانه الله رحمه: يا صبر ايوب وهاتلها سندوتش معاك معلش منه: رحمه بلاش عناد بقي احنا بنلف من الصبح ومش لاقين حاجه اتنيلي اقعدي في البيت واتجوزي بقي رحمه: لا يا منه انا لازم اشتغل لازم اعمل العملية لامي انا مليش غيرها واي حاجه بعد كدا تيجي بعدين منه: طب هنعمل اي احنا لفينا كتير اوي الويتر: هو انتوا بدوروا علي شغل منه: وانت بتتصنت علينا ليه الويتر: انا اسف مكنش قصدي عن اذنكم رحمه: استني بس في اي يا منه معلش حقك عليا هي كدا دبش من يومها قولي انت تعرف حد عايز بنات للشغل الويتر: بصي انا في واحد في الشركة دي بيجي هنا دايما وسمعته وهو بيقول عايز سكرتيرة في الشركة فممكن تروحي تعملي المقا**ه دلوقتي رحمه: بجد والله شكرا جدا ليك اوعدك لو اتقبلت ليكون ليك عندي حلاوة حلوة الويتر: تسلمي كلك زؤق رحمه: بت يا بومة انتي هتيجي معايا ولا هتستني هنا منه: لا يا اختي انا مش قادرة روحي انتي رحمه: طيب يا طفسة خليكي انتي قاعده تحشري كدا *في الشركة... رحمه: لو سمحت سمعت انكم عايزين سكرتيرة هنا انا جايه للمقابله سليم: اي السرعه دي انا مبقاليش نص ساعه منزل الاعلان رحمه بتوتر: اه ما انا شوفته وكنت قريبه من هنا فقولت اجي المقابلة بالمره سليم: تمام ثواني هبلغ المدير اياد: خير يا سليم في حاجه سليم: في بنت بره جايه للمقابلة تحب تشوفها اياد: تمام دخلها رحمه: السلام عليكم... ازايك يا فندم اياد بدون النظر إليها: اسمك وسنك ومؤهلك رحمه بعصبيه حاولت اخافاهاء: اسمي رحمه 23 سنه لسه متخرجه السنادي من ادارة اعمال اياد ببرود: يعني مفيش خبرة ودي اول مره ليكي في الشغل رحمه: ايوة يا فندم بس انا كنت دايما الاولي علي الكلية وتقديري امتياز اياد: انا كل دا ميفرقش معايا هسالك سؤال واحد اي يؤاهلك للشغل في شركتنا رحمه ببرود: ولا اي حاجه يا فندم اياد بصلها باستغراب واول ما بصلها تاه في عيونها والبراءة اللي علي وشها وفضل مركز معاها اوي وقلبه بيدق جامد ورحمه اتحرجت جدا رحمه: يا فندم حضرتك معايا اياد: ها ايوة معاكي ازاي مفيش حاجه تؤاهلك للشغل هنا رحمه: بصراحه انا كان حلمي افتح شركتي الخاصة لس لظروف معينه مجبورة اني اقبل بوظيفة سكرتيرة ودا اقل من شهادتي خالص وشغلي هنا هيكون مؤقت اياد: مش واخده بالك انك كدا بتخلي اللي قدامك يرفض يوظفك رحمه ببرود: ما عشان كدا متقبلتش في شغل لحد دلوقتي لكن انا بالنسبالي الصراحه احسن من الكدب ولسه اكدب وهي مش مستهله اصلا الاحسن اكون معرفه حضرتك باللي هيتم اياد: تمام يا انسة رحمه انتي اتقبلتي وتقدري تبداءي شغل من بكره رحمه بفرح: بجد شكرا جدا لحضرتك وباذن الله هكون تحت حسن ظنك اياد: تمام يا انسة رحمه اتفضلي وبكره ان شاء الله لما تيجي هفهمك شغلك رحمه: تمام عن اذنك يا فندم *في الكافية... منه: ها عملتي اي يا بومة رحمه: خليكي انتي في الاكل اللي قدامك وسبيني افكر منه: تفكري في اي هتقعدي في البيت وتتجوزي صح رحمه: لا يا اذكاء اخواتك هفكر ازاي هقنع زوزا بالشغل منه: نعم هو انتي اتقبلتي خلاص رحمه: ايوة وهستلم الشغل من بكره منه: احيه طب وزوزا هتعملي اي معاها رحمه: مش عارفه ربنا ييسر بقي يلا عشان نروح منه: يلا بينا يا حبيبتي *بليل في الديسكوا... سليم: نفسي اعرف انت ازاي اياد بتاع الصبح ازاي بتقدر تكون كذا شخصيه في وقت واحد اياد: عادي الحياة علمتني دا شهاب: والله السهره مش بتحلي غير بيك يا اياد بتحلي القاعده اياد: متتعودش علي كدا يا شهاب لان اياد مش دايم شهاب: انت لسه بتخوفني منك يا صحبي اياد: مش بخوفك انا بقولك الصراحه والحقيقه بس وافتكر اياد رحمه وسرح وابتسم تلقائي.. سليم: اللي واخد عقلك اياد: ها ولا حاجه المهم انا قبلت البنت بتاعت الشغل وهتستلم شغلها من بكره سليم: اي السرعه دي يا اياد انت متاكد من اللي هتعمله اياد: متقلقش يا صحبي ان شاء الله خير مايا: هو في اي يا اياد انت جاي هنا تتكلم في الشغل اياد: لا يا عسل معاكي اهو بس اي الحلاوة دي مايا: يا بكاش متيلا بينا من هنا انت وحشتني اوي اياد: شقية اوي يلا بينا عن اذنكم بقي شهاب: ولعة معاك يابا اياد: خليك في حالك يا عسل *وراح اياد مع البنت دي وقضي الليله بتاعته زي ما اتعود فهو فعلا زير نساء.... في بيت رحمه... رحمه: يا زوزا يا عسل وحشتيني زينب: اي كل دا يا رحمه حرام عليكي يا بنتي قلقت عليكي رحمه: معلش والله غصب عني طمنيني كلتي وختي العلاج زينب: يووه انا زهقت يا بنتي خلاص العمر مبقاش فيه بطلي تضيعي الفلوس علي العلاج رحمه: وبعدين بقي في الكلام دا زينب: يا رحمه انا عايزة اطمن عليكي قبل ما اموت واشوفك في بيتك رحمه ببكاء: يا ماما حرام عليكي بطلي تجيبي سيرة الموت انتي ان شاء الله هتعملي العملية وهتكوني كويسه زينب: طب بطلي عياط ان شاء الله خير طمنيني بقي يومك كان عامل ازاي رحمه بتوتر: زوزا انا هقوم اغير هدومي واجي زينب: رحمه انا متعودتش تخبي عليا حاجه في اي رحمه: بصي يا ماما بصراحه كدا انا خلاص اتخرجت وبقي وقتي كله فاضي وحابه اني اشتغل عشان نوفر فلوس العملية زينب: تاني يا رحمه الموضوع دا رحمه: يا ماما والله الشغل كويس وفي شركو محترمه ومش هتاخر زينب: كمان لاقيتي الشغل رحمه: عشان خاطري مترفضيش انا عايزاكي تبقي كويسه ارجوكي يا امي زينب: ماشي يا رحمه اعملي اللي انتي عايزاه رحمه: يا ماما بالله عليكي مش عايزاكي تكوني زعلانه والله انا هخلي بالي من نفسي ومش هتاخر بره وهكلمك كل شوية زينب: يا بنتي انا خايفه عليكي والله رحمه: اطمني بنتك راجل وقد اي حاجه فكيها بقي يا زوزا يا حبيبتي زينب: امري لله ربنا معاكي يا حبيبتي ويباركلي فيكي ويسترها معاكي يا بنت قلبي رحمه: ايوة كدا يا زوزا يا عسل يلا بقي عشان ننام لاني هستلم شغلي بكره زينب: يلا يا حبيبتي *في صباح يوم جديد في الفيلا عند اياد... احمد(ابو اياد): صباح الخير يا ابني اياد:....(مفيش رد) احمد: لحد امتا يا اياد هتفضل مقاطعني كدا انا عملت اي لكل دا يا ابني انا والله كل اللي عملته كان عشانك اياد بضحك: اه عشان تحرمني من امي كل السنين دي بجد كتر خيرك احمد: يا ابني والله في حاجات كتير متعرفهش صدقني انا اللي عملته كان لمصلحتك اياد: انا خستحيل اصدقك انت انسان اناني وكداب عن اذنك ركب اياد عربيته وانطلق في اسرع سرعه ووقف قدام الشركة ورجع راسه لوراه وكان بيتفكر حاجات قديمه... فلااااش باااك.... اياد: يا بابا حرام عليك سيب ماما انا بحبها احمد: اسكت انت وانتي امشي مش عايز اشوفك هنا تاني وانسي ان ليكي ابن سهير(ام اياد): حرام عليك يا احمد متحرمنيش من ابني ارجوك احمد: انتي اللي حرمتي نفسك بنفسك مش اختارتيه هو روحيله بقي سهير: سامحني انا اسفه اديني فرصه واحده وهعيش خدامه تحت رجلك احمد: مستحيل انتي اللي زايك مكانه في الشارع مكان ما اخدتك غوري من هنا اياد: يا بابا انا عايز امي هاتها والنبي انت ليه بتعمل كدا حرام عليك احمد بزعيق: اسمعني كويس من هنا ورايح امك ماتت انت فاهم مش عايزاك تجيب سيرتها خالص او والله هرميك وراها انت فاهم كتك الق*ف وانت شبهه كدا اياد: انا بكرهك والله بكرهك بااااااك.... اياد: ياتري روحتي فين يا ماما وليه كل الفترة دي مظهرتيش ولا حاولتي تكلميني ياتري اي الحقيقه.... نزل اياد ودخل الشركة وركب الاسانسير ولسه هيتحرك دخلت رحمه رحمه: الحمدالله لحقته ومش هتاخر اياد: احم انتي فعلا اتاخرتي رحمه: استاذ اياد انا اسفه والله بس الطريق اياد: اولا انا مش بحب الاعذار ثانياً دي اول واخر مره هسمحلك بالتاخير تمام رحمه بغضب: تمام يا استاذ اياد فجاه الاسانسير عطل... رحمه: هو في اي دا وقف ليه دا اياد ببرود: دلوقتي يتشغل رحمه بتوتر: خليهم يشغلوه بسرعه انا هموت اياد: في اي مالك رحمه بتعب: عندي فوبيا من الاماكن المغلقة ارجوك اتصرف خليهم يفتحوا بسرعه اياد بتوتر: طب اهدي انا هتصل بيهم اهو اهدي وخدي نفسك واحده واحده انا معاكي اهو *وبعد شوية الاسانسير اشتغل ورحمه اغمي عليها واياد شالها لحد مكتبه وحاول يفوقها.... رحمه: ليه كدا يا بابا ليه سيبتنا لوحدنا انا مستحيل اسامحك افتح الباب دا ليه بتض*بني انا اسفه مش هعمل كدا تاني افتحولي افتحولي اياد: اهدي يا رحمه انا معاكي اهو محدش هيجي جانبك اهدي رحمه فاقت وحضنت اياد وهي بتعيط: انا خايفه اوي متسبنيش لوحدي ارجوك اياد: اهدي محدش هيقربلك متقلقيش انا جانبك اهو اهدي رحمه وهي بتستوعب اللي عملته بعدت بسرعه: انا اسفه مكنش قصدي ولسه هيرد فجااااااه....... يتبع...