الفصل الثاني...

2005 Words

*دخلت واحده لابسه شيك اوي.... كريمه: اووه ماي جاد اي اللي بيحصل هنا يا اياد ومين الجربوعة دي رحمه: مين دي الجربوعة يا حرباية انتي كريمه: اووه دي بيئة خالص مين دي يا بيبي رحمه: اللهم طولك يا روح اياد: بس خلاص انتي وهي في اي رحمه: مش شايف اول ما دخلت وهي مش عامله احترام لحد ازاي وبتغلط فيا اياد: بس يا انسة رحمه كفايه اتفضلي روحي علي شغلك استاذ سليم بره وهيفهمك كل حاجه كريمه: هي دي شغاله عندك يا اياد بجد انت كدا بضيع الشركة هي دي اشكال تشتغل عندك رحمه: بقولك اي انا سكتلك من الصبح تعالي بقي *ومسكوا في بعض وعينك ما تشوف إلا النور وجه اياد يبعدهم عن بعض اطحن في النص ودخل سليم وبالعافية بعدهم عن بعض.. سليم وهو بيضحك: اي اللي بيحصل هنا دا بيتخانقوا عليك يا بطل مصر رحمه: نتخانق علي مين انت كمان انا مين وقعني الواقعه السودا دي يا ربي اياد: خلصتوا تريقة سليم دي رحمه السكرتيره الجديده اتفضل فهمها شغلها سليم: تمام اتفضلي معايا يا انسة رحمه رحمه: تمام اياد: انتي بتعملي اي هنا يا كريمه وعايزة اي كريمه: مين دي يا اياد الاول وازاي سكتلها وسلمتها الشغل كمان اياد: اظن دي شركتي وانا حر فيها انجزي لاني مش فاضي ليكي انتي جايه عايزة اي قامت قربت منه بدلع: يا اياد انت عارف اني بحبك ناوي امتا تنسي اللي فات اياد بضحك: بتحبيني وانسي تصدقي ضحكتيني يا كريمه فوقي بقي انا عارفك علي حقيقتك انتي كل اللي عايزاه الفلوس وبي عينيك او طولتي مني جنيه ويلا بقي من غير مطرود كريمه بنرفزة: ماشي يا اياد انا هوريك انت ليا انا وبس وهتشوف اياد: والله الاحسن ليكي تحترمي نفسك وتبعدي عني واحمدي ربنا اني لحد دلوقتي مفضحتكيش يا حلوة كريمه: ماشي يا اياد ( دي بقي تبقي كريمه بنت عم اياد بنت مغرورة وشايفه نفسها اوي وكل همها الفلوس وبس وعامله نفسها بتحب اياد عشان تستفيد منه بس الحمدالله ربنا كشفها لاياد بدري بس هي لسه م**مه انها توقعه ) *اول ما خرجت رجع اياد بضهره علي الكرسي وافتكر لما كان بيحب كريمه وخلاص ناوي يتقدملها وكان الكل عارف بحبه ليها وفي يوم.... فلااااش باااك.... مدحت: اي يا عريس مش هتيجي نسهر شوية اياد: عريس اي انا لسه مروحتش مدحت: وناوي تروح امتا يا برنس اياد: هروح بكره ان شاء الله بس انا لسه معرفتش كريمه فكرك هترفضني مدحت: اكيد لا هي عارفه بحبك ليها واكيد بتبدلك نفس الشعور اياد: يا رب يا صحبي يلا انا هقوم اروح بقي مدحت: ماشي يا صحبي وبمجرد ما اياد مشي طلعت كريمه من اوضة مدحت.... كريمه: ههههه اي شربها المغفل مدحت: ايوة دا واقع علي اخره خلاص المهم انتي خليكي معه للاخر خلينا نستفيد منه شوية كريمه: بس ازاي يا حبيبي عايزني اوافق عليها وانت بتحبني اي مش بتغير عليا مدحت بخبث: طبعا بغير عليكي يا حبيبتي بس انتي عارفه الظروف كويس وعشان كدا هي فترة مؤقتة وبعدها يا ستي الحال هيتظبط وهنرجع نكون مع بعض كريمه: ماشي يا روحي كل طلباتك اؤامر مدحت: طب متيجي بقي انتي وحشتيني اوي *وفجاااااه رجع اياد عشان نسي مفتاح العربية وكان لحسن الحظ ناسي يقفل الباب وراه واول ما دخل لاقي كريمه في حضن مدحت واتصدم ومداش لحد فيهم فرصة يتكلم وسابهم ومشي ومن ساعتها وهو بقي شخص مطفئ وكل بوم سهر وبنات وحياته اتشقلبت اكتر ما هي متشقلبة.... باااااااك..... دخل سليم علي اياد وقاله: انت كويس يا صحبي كريمه كانت عايزة اي تاني اياد بضحك: فاكره انها هتعرف تضحك عليا سليم: خلي بالك يا صحبي دي مش سهله اياد: متقلقش انا مبقتش اياد بتاع زمان.... المهم فهمت رحمه شغلها سليم: ايوة يا صحبي متقلقش كله تمام بس بقولك اي رحمه دي طلعت جامدة اوي دي البت كانت هتموت في ايدها اياد: والله دي ايديها تقيله بغباء سليم بضحك: اه ما انت خت من الحب جانبك ربنا يعينك بقي اياد: طب يلا علي الشغل بقي *في بيت منه.... منه: يا بابا بالله عليك انا خلاص مش عايزة اتجوز ابو منه: هو انتي لما ارفض تكوني عايزة تتجوزي ولما اقبل ترفضي انتي في اي يا بت منه: يا بابا انا عايزة اتجوز بس متجوزش واحد قد جدي ابو منه: يا بنتي ما هو دا اللي هيعيشك احسن عيشه ومش هيحرمك من حاجه منه: لا يا بابا انا عايزة اعيش سني واحب واحد من سني ونعيش احسن قصة حب ابو منه: بت اتلمي احترمي انك بتتكلمي مع ابوكي منه: يا بابا مع احترامي ليك بس انا مستحيل اوافق بواحد قد جدي *وقامت منه ودخلت اوضتها واتصلت برحمه.... رحمه: اي يا منه انا والله مش فاضية ومش فاهمه حاجه في اي قولي بسرعه منه ببكاء: الحقيني يا رحمه انا محتاجكي اوي رحمه: في اي يا بت منه: مش هينفع في التلفون لازم اشوفك رحمه: طب بصي تعالي الكافيه اللي كونا فيه امبارح وانا ساعه وهاخد بريك واجيلك يلا مستنياكي منه: ماشي *وبعد ساعه في الكافيه... رحمه: مالك يا حبيبتي في اي براحه بس اهدي وفهميني وحكت ليها منه كل حاجه اتعصبت رحمه اوي وقالت: ابوكي دا اتجنن ولا اي هو اي اللي حصل بالظبط هو بيفكر ازاي منه: مش عارفه والله يا رحمه انا تعبت بجد رحمه: ما انتي اللي متسربعه علي الجواز اعملك اي يعني منه: هو دا وقته يا رحمه انا جيالك تساعديني واا تلومي فيا رحمه: ما انا مش عارفه اقولك اي والله يا منه سليم: انا اقدر اساعدكم رحمه: استاذ سليم حضرتك هنا سليم: ايوة ممكن اقعد رحمه: اكيد طبعا اتفضل... دي منه صحبتي واختي... ودا استاذ سليم اللي شغال معه في الشركة منه: اتشرفت بحضرتك سليم: الشرف ليا طبعا... المهم انا حابب اني اساعدكم منه: وحضرتك هتساعدنا ازاي ومع احترامي ليك انت اي دخلك في الكلام بينا اصلا سليم بإحراج: انا اسف انا كنت معدي بالصدفو ولفت نظري عياطك ومقدرتش امنع نفسي اني اعرف في اي وانا بعتذر ليكي جدا عن اذنكم رحمه: استني يا استاذ سليم منه مش قصدهت والله اتفضل اقعد بس منه: انا اسفه بس انا حقيقي اعصابي تعبانه ومش عارفه افكر حضرتك تقدر تساعدني ازاي سليم: ولا يهمك انا مقدر اللي انتي فيها بصي انا عندي خطة بس مش عارفه ممكن توافقي عليها ولا لا منه ورحمه: خطة اي سليم بضحك: براحه طيب انا هقولكم وليكم حرية الاختيار دلوقتي احنا هنعمل................ منه: لا مستحيل انا مش هقدر اعمل كدا رحمه بضحك: طب والله خطه حلوة اموت في الاكشن انا منه: رحمه انتي اتجننتي انا مستحيل اعمل كدا سليم: يا انسة منه اهدي بس دا هيبقي حل مؤقت والله عشان بس نحل الوضع اللي انتي فيه دا منه باستغراب: طب مع احترامي ليك يعني انت هتعمل كل دا ليه سليم: هعرفك السبب بعدين المهم موافقه ولا لا رحمه: موافقه طبعا سليم: طب تمام هو العريس دا جاي امتا منه: جاي بكره ان شاء الله انت هتنفذ امتا سليم: طب اجهزي يا عروستنا انا هقوم انا عشان عندي شغل وانتي يا رحمه متتاخريش عشان اياد ميولعش فيكي رحمه: حاضر يا استاذ سليم *بعد ما سليم قام... منه: هو مين المجنون دا واي حكايته وليه وافقتي يا رحمه رحمه: استاذ سليم باين عليه كويس وعايز يساعدنا يا منه وخلاص هو الامل الوحيد اللي قدامنا منه: ماشي ربنا يستر المهم انتي هتبقي معايا بكره صح رحمه: اكيد يا حبيبتي انا اقدر اسيبك برضو منه: ماشي يلا بقي انتي اتاخرتي علي شغلك رحمه: احيه اياد هيولع فيا منه: واشمعنا دا مش استاذ زي سليم رحمه: اتلمي يا منه ويلا روحي منه: ماشي ماشي *في الشركة... اياد: اي الاستهتار دا فين اللي اسمها رحمه دي دا مبقاش شغل خالص رحمه: انا موجوده اهو يا استاذ اياد في اي اياد: يعني الصبح جايه متاخر ودلوقتي متاخره برضو هو فين التزام يا انسة رحمه رحمه: محصلش حاجه لكل دا يا استاذ اياد دوال هما خمس دقايق اياد: خمس دقايق دوال بالنسبالك ملهمش لازمه لكن بالنسبة لشغلنا هما مهمين جدا انتي انسانه مهمه وشكلي غلط لما شغلتك هنا رحمه: تولع انت وشغلك انا اللي غلطانه اني قدمت هنا عن اذنك اياد: في داهيه تاخدك *دخل اياد مكتبه ودخل سليم عليه... سليم: اي يا اياد اللي انت عملته دا البنت معملتش حاجه لكل دا اياد: بقولك اي انا مش عايز ولا كلمة في الموضوع دا سليم: انت كدا بتغلط يا اياد اياد: فكك بقي المهم هتسهر معايا النهارده سليم: لا انا ورايا مشوار مهم بكره وعايزاك معايا اياد: مشوار اي دا سليم: هتعرف بكره عن اذنك *علي البحر كانت رحمه قاعده وبتعيط اوي وفجاه جه واحد قعد جانبها... احمد: طب اي مش كفايه عياط بقي رحمه: احمد عرفت مكاني ازاي احمد: معروفه يا ست رحمه بدام تلفونك مقفول مش هتبقي غير هنا احكي بقي اي اللي حصل رحمه ببكاء: انا تعبت اوي يا احمد ليه مفيش حاجه عايزة تظبط معايا انا عملت اي عشان يحصل فيا كل دا هو ذنبي ان ابويا سابنا واتخلي عنا وخد كل حاجه معه ولا اني كل احلامي اني اعالج امي واخليها مش محتاجه حاجه انا عايزة افهم ليه الدنيا معنداني بالشكل دا احمد: اي يا رحمه كل اليأس دا انا اول مره اشوفك كدا فين رحمه القوية والشجاعه واللي قد اي حاجه رحمه: مبقتش قادرة يا احمد والله انا تعبت وجبت اخري احمد: طول ما لسه فيكي نفس يا رحمه يبقي اوعي تيأسي ابداً وما ضاقت إلا ما ف*جت يا حبيبتي رحمه: يا رب يا احمد بجد يا رب احمد: ان شاء الله ويا ستي لو عقدت خالص هتجوزك وا**ب فيكي ثواب رحمه بضحك: وانت تطول تتجوزني دا بي عينيك احمد بضحك: اطول واطول اطول من كدا كمان يا اوزعه رحمه بعصبيه: بطل تقولي يا اوزعه بقي احمد: طب يلا علي البيت اكل زوزا وحشني اوي رحمه: يلا يا طفس انا مش عارفه اي اللي مصبرني عليكي انت ومنه احمد: حياتي انتي من غيرنا ملكيش لازمه اصلا يا اوزعة رحمه: احممممد احمد: خلاص يلا بقي جعان *في بيت مدحت وصلت كريمه... مدحت: ها عملتي اي يا حبيبتي قدرتي تأثري فيها كريمه: ولا الهواء انا خلاص زهقت بقي مدحت: معلش اصبري شوية وحاوليه معه تتني كريمه: يا مدحت مفيش فايدة اياد مبقاش طايق يشوفني وانا خايفه يقول لبابي علي اللي حصل مدحت: انا هقولك تعملي اي وساعتها كل حاجه هتتحل معانا بس انتي اسمعي كلامي بالحرف كريمه: ماشي قولي لما نشوف اخرتها مدحت:............ ودا كل اللي هتعمليه وكله والباقي علي اياد كريمة: دماغك سم يا ابن اللذينه مدحت: طب تعالي لما اد*كي شوية سم بقي *بليل في الديسكوا.... مايا: مالك يا اياد انت مش مظبوط النهارده اياد: مفيش انا كويس مايا: طب اي مش هنطلع بقي اياد: لا يا رحمه فكك مايا: رحمه مين يا اياد انا مايا اياد: بقولك اي فكك مني النهارده انا مليش مزاج مايا: اي ملكش مزاج ليا دلوقتي ومين رحمه دي اياد: يوووه انا هسيبلك المكان كله وهمشي انا مش ناقص قرف *مشي اياد وهو مستغرب نفسه اوي هو في اي اي اللي بيحصل دا انتي مين يا رحمه عشان تشغلي دماغي بالشكل دا لا انا مستحيل اقع تاني كويس اني رفضتك من الشغل انا مش ناقص ق*ف ووجع قلب انا هعيش لوحدي عمري كله ومش هسمح لحد يجي جانبي تاني... *في بيت رحمه... رحمه: يا زوزا انا جيت وجيبالك معايا مفاجاه زينب: اي يا زفته عامله دوشه ليه ومفاجاه اي احمد: انا يا زوزتي وحشتيني اوي زينب: اخيراً ظهرت يا زفت انت كمان كنت فين يا واد احمد: والله شغل يا زوزتي اعمل اي بس زينب: ربنا معاك يا حبيبي ويرزقك من وسع احمد: يا رب يا قلبي قوليلي بقي عامله اكل اي رحمه: اهو زي ما هو متغيرش كل همه علي بطنه وبس احمد: بس يا بت ملكيش دعوة زينب: طب هسيبكم تكملوا خناق وهدخل اجهز الاكل يا مجانين ( دا بقي يبقي احمد شغال في شركة وكل شغله سفر يبقي صحبي اوي احنا جيران من زمان وعارفه انه بيحبني بس للاسف مش بي ايدي انا شايفه اخويا وبس وبدعيله ربنا يرزقه بالاحسن مني يا رب ) *تاني يوم في بيت منه... ابو منه: يلا يا منه العريس علي وصول ياريت تكوني جهزتي احسن ليكي رحمه: متقلقش يا عمو هي جاهزة منه: يا رحمه انا خايفه اوي بجد فكرك اللي هيحصل دا صح رحمه: متقلقيش يا منه سليم هيجي وكل حاجه هتتصلح منه: يا رب يا رحمه بس هو فين مجاش ليه لحد دلوقتي رحمه بتوتر: متقلقيش زمانه جاي ابو منه: يلا يا بت العريس جه منه: حاضر... شكل يا رحمه مفيش مفر من اللي هيحصل دا نصيبي ولازم اقبل بيه رحمه: متقلقيش يا منه اكيد هنلاقي حل ابو منه: يلا يا منه *خرجت منه وكانوا لسه هيقراوء الفاتحه الباب خبط ورحمه فتحت ودخل سليم واياد واول نا دخلوا... ابو منه: انتوا مين سليم: انت ازاي عايز تجوز مراتي الكل: مراتك يتبع....

Free reading for new users

Scan code to download app

App Store Google Play

Facebookexpand_more