الفصل الثالث....

2000 Words

سليم: ايوة مراتي في اي مالكم مستغربين ليه ابو منه: انت بتقول اي يا مجنون انتي ازاي مراتك يعني سليم: زي الناس يا عمي وانت قاعد هنا لحد دلوقتي ليه يلا يا جدو معندناش عروسة الراجل قام مشي وسليم قعد هو واياد واياد مش فاهم حاجه.. ابو منه: الظاهر اني معرفتش اربي مين دا انطقي واتجوزك امتا ردي عليا ولسه هيض*بها بالقلم سليم مسك ايده وقال: انا محدش يمد ايده علي مراتي مهما كان مين تمام خاف ابو منه من صوت سليم وقال: انت عايز اي بالظبط واتجوزت بنتي امتا سليم: بص عشان الفضايح والناس وكدا انا مستعد ارجع اتجوز بنتك تاني قدام الناس والورقتين اللي معايا اقطعهم ابو منه: ياريت يا بني احنا معندناش غير سمعتنا سليم: تمام كدا كتب الكتاب والفرح اخر الاسبوع دا وبتمني متعملش في مراتي حاجه لانك متعرفش انا لما بزعل اي اللي بيحصل ابو منه: متقلقش يا بني وبدام هتتجوزها قدام الكل انا معنديش اعتراض بس انت فين اهلك اياد: سليم انا اهله بعد وفاة اهله الحقيقين وهو عايش معايا واعتبر اخوه الكبير ابو منه: علي خيرة الله الف مب**ك سليم: بعد اذنك عايز اقعد مع مراتي شوية لوحدنا هاخدها وننزل وعشان متقلقش هناخد رحمه معانا ابو منه: معنديش اعتراض بس ياريت متتاخروش رحمه: طب ثواني هروح اعرف ماما الاول عشان متقلقش عليا سليم: روح معها يا اياد بدل ما حد يضايقها باللي عملاه في نفسها دا اياد بغضب: ماشي يا سليم وانتوا انزلوا استنوا في العربيه *في بيت رحمه... رحمه: يا زوزا انتي فين انتي يا حجه مش بتردي ليه اياد: بطلي صداع يمكن نايمه او في الحمام رحمه بغضب: طب استني هنا هدخل اطمن عليها واعرفها واجي وياريت متلعبش في حاجه اياد: وانتي عندك اي يتلعب فيه اصلا يلا يا بت من هنا رحمه بغضب طفولي: ماشي يا استاذ اياد ثواني وجايه _فضل اياد يلف في البيت ويتف*ج عليه ولفت نظره صورة لرحمه مع ابوها وامها وكان شكلهم مش غريب عليه خالص فضل واقف بيحاول يفتكر شافهم فين قبل كدا قطع شرودها صوت رحمه... رحمه: استاذ اياد دي ماما زينب: ازاي يا ابني نورت بيتنا معلش البيت علي قد المقام اياد بابتسامه: لا خالص يا امي البيت منور باصحابه معلش تعبناكي شكلك كنتي نايمه بس صداع بنتك بقي زينب بضحك: لا عادي دي رحمه خلقة ربنا اتعودت عليها خلاص اوع تكون تعبك في الشغل من تاني يوم خدت اجازة معلش يا ابني اياد وهو فهم ان رحمه معرفتش امها انها اترفدت من الشغل: لا خالص يا امي ما عريس صحبتها يبقي صحبي ويبقي شغال معانا في الشركة فانا اللي اديت الكل اجازة زينب: ربنا يبارك فيك يا ابني رحمه متقومي تجيبي حاجه للراجل يشربها اياد: والله مش قادر تسلمي يا امي زينب: ودا ينفع يعني هاتي يا رحمه عصير رحمه بعصبيه: حاضر بالسم يا رب زينب: متزعلش منها يا ابني رحمه مجنونه شةية وعصبيه هي كدا من ساعه ما ابوها سابنا وتعبي هو اللي مخليها مضغوطه بالشكل دا اياد: تعب اي يا امي وابوها راح فين زينب بحزن: والله يا ابني محدش يعرف هو اختفي وسابني انا وهي وكانت لسه صغيرة بعدها اكتشفت ان عندي القلب ولازم عملية كبيرة بس انا قولت مش مهم المهم رحمه وتعليمها وعشان كدا هي دلوقتي بتشتغل عشاني فانت استحملها معلش اياد بتفهم: لا خالص يا امي رحمه مجتهده وكويسه وان شاء الله تعملي العملية وترجعنا بالسلامه زينب بابتسامه: الله يسلمك يا بني من كل شر يا رب انا دوشتك معلش اياد: لا خالص بس بعد اذنك هاخد رحمه وننزل عشان منه وسليم مستنين تحت ولازم ننزل ومش هاخرها متقلقيش زينب: ماشي يا ابني خالي بالكم من نفسكم يا رحمه تعالي يلا رحمه: جيت اهو يا ماما انا مش هتاخر ومتنسيش تاخدي علاجك والاكل علي البتوجاز ولو عوزتي اي حاجه اتصلي بيا هجيلك علي طول اتفقنا يا زوزا زينب: يلا يا بت من هنا الواحد مبقاش عارف مين ام مين يلا ومتتاخريش رحمه: ماشي يا زوزا لينا كلام لما ارجع هتوحشني *في بيت اياد كان ابوه قاعد والباب خبط ولما الخادمة فتحت كانت كريمه... احمد: ازايك يا كريمه عامله اي هو الواحد مبقاش يعرف يشوفك كدا كريمه: معلش يا عمي هي شوية ظروف احمد: مالك يا كريمه انتي كويسه اتخنقتي مع ابوكي ولا حاجه كريمه: لا يا عمي مفيش حاجه انت كويس احمد: الحمدالله يا بنتي بخير احمد ربنا بس انتي مالك في اي كريمه: مفيش يا عمي صدقني هو اياد هنا احمد: ما انتي عارفه ان اياد بيرجع متاخر متقولي في اي بقي وبلاش القلق دا انتي باين عليكي في مشكله معاكي كريمه ببكاء: انا تعبت اوي يا عمي والله واياد عمال يتهرب مني بعد ما اخد اللي هو عايزوا ودلوقتي بقي في بيبي في بطني حرام عليه يرمينا انا وابنه في الشارع ويتولد وهو ملهوش أب وانا مستحيل اتخلي عن ابني حته لو غلط مش هصاح الغلط بغلط اكبر احمد بصدمه: انتي بتقولي اي يا كريمه اياد مستحيل يعمل كدا دا ابني وانا عارفه كويس كريمه: يعني انا هفتري عليه وعلي نفسي يا عمي حضرتك لو مش مصدق اتفضل نتيجه التحليل اهي تثبت اني حامل ومش بكدب عليك احمد: يا نهار مش فايت ليه عملتوا كدا بدام عايزين بعض كنتوا قولوا واحنا كونا خلينكم تتجوزوا بدل ما تجيبوا عيال في الحرام كريمه ببكاء: انا اسفه يا عمي والله انا عملت كدا عشان بحب اياد بجد ومقدرش استغني عنه وكنت واثقه فيه احمد: واي فايدة الندم والدموع دلوقتي ربنا يسترها عليكي انا لما يجي اياد ليا كلام معه وان شاء الله خير يا بنتي كريمه: ربنا يخليك يا عمي مش عارفه اقولك اي بجد شكرا _مشيت كريمه وهي مبسوطه وحاسه انها خلاص قربت علي هدفها وكل حاجه هتتحل بالنسبالها وهو شوية وقت وهتبقي مع حبيبها بعد ما تاخد فلوس اياد... *وصل اياد والباقي علي مطعم كبير عشان يتغدواء سوي وقعد سليم جانب منه واياد جانب رحمه وطلبوا الاكل.... منه: انا خايفه اوي ننكشف ونروح في داهيه سليم: متخفيش انتي كلها كام يوم وتبقي مراتي بجد ومحدش هيقدر يكلمك رحمه: سليم انا عايزة افهم انت ليه بتساعدنا وليه عايز تتجوز منه وانت متعرفهش سليم: معلش يا رحمه خلي اجابة السؤال دا بعد كتب الكتاب وساعتها هفهمكوا كل حاجه منه: بس انا من حقي اعرف كل حاجه قبل ما اتجوزك يا سليم سليم: اصبري شوية يا منه معلش وصدقيني هتفهمي كل حاجه ومش هتندمي اياد: لو خلصتوا كلام ممكن حد يفهمني انا بقي ولا مليش حق ولا اي بقي سليم بضحك: اهدي بس يا صحبي انا هفهمك اللي حصل ان ابوها كان هيجوزها لوحد قد جدها وانا طبعا بشهمتي وجدعنتي معجبنيش اللي هيحصل فدخلت وقررت اتجوزها وعملت الفيلم دا عشان ابوها يوافق اياد: الله يخرب عقلك دايما حاشر نفسك في كل حاجه كدا بس انا حاسس ان في سر وراء كل دا سليم بتوتر: ما قولنا خلاص يوم كتب الكتاب هتعرف كل حاجه متوجعش دماغي بقي اياد: ماشي يا سليم حسابنا بعدين المهم رحمه انتي ترجعي شغلك من بكره مفهوم ومش عايز نقاش انا دماغي وجعني لوحدها والله رحمه باستغراب: هو في اي هو انا علي مزاجك الصبح ترفدني والنهارده ترجعني هو انت مجنون ولا بتشرب حاجه سليم بضحك: والنبي يا اختي لسه مشربش بس عادي اتعودي علي دا اياد معروف عنه الجنون اياد: خلصتوا تريقه حضرتك مضيتي عقد ومينفعش تسيبي الشغل قبل سنه وعشان كدا مجبر ارجعك وبتمني ميكنش في تاخير ولا غلطات تاني وتركزي في شغلك رحمه بغضب طفولي: ان شاء الله.... بارد مش عايز تاخير دمك سم اياد برفعة حاجب: انتي بتقولي اي يا بتاعه انتي رحمه: مش بقول حاجه بكح اي ممنوع دا كمان اياد: لا ولا ممنوع ولا حاجه اتنيلي براحتك انا معرفش عقلي كان فين لما شغلتك ووافقت عليكي كانت ساعه سودا رحمه بضحك: بس انت كنت لابسه ساعه دهبي مش سودا قولنا عايزين تركيز _الكل ضحك علي لماضة رحمه والاكل جع وكانوا بياكلوا فجاه دخلت واحده مياعة اوي وسلمت علي اياد وحضنته وباسته كمان وكل دا ورحمه نفسها تقوم تحط الشوكة في رقبتها وكانت مستغربة نفسها جدا وبعدها قعد اياد... رحمه: هي مين السكر دي اياد باستغراب: وانتي مالك بتدخلي ليه في اللي ميخصكيش رحمه باحراج: انا اسفه يا استاذ اياد عن اذنكم هقوم اغسل ايدي لاني شبعت ومنه قامت معها سليم: انت ليه بتتعامل معها كدا يا اياد مينفعش هي معملتش حاجه دي سالت سؤال عادي اياد: سليم انا مش بحب حد يدخل في حياتي ولا يسالني علي حاجه وانت عارف كدا كويس سليم: طيب وهي متعرفش فبراحه عليها شوية اياد: ان شاء الله انا هقوم احاسب _في العربيه كان الكل ساكت سليم مع منه وراه وهو بيحاول يفتح معاها اي كلام واياد بيسوق ورحمه جانبه... اياد: دي تبقي بنت زبون كان بيتعامل مع شركتنا وهي متربيه بره فمتعوده تتعامل بالاسلوب دا رحمه: مكنش في داعي تقول انا نسيت الموضوع اصلا اياد: تمام انا غلطان اني قولت رحمه: ياريت متغلطش تاني يا استاذ اياد سليم: صلوا علي النبي يا جماعه في اي بس الكل: عليه افضل الصلاة والسلام _فضل الكل ساكت ومنه وصلت بيتها ورحمه كمان وكمل الطريق سليم واياد سوي... سليم: مش ناوي تقولي رجعتها الشغل تاني ليه اياد: لانها محتاجه الشغل ومش لنفسها دا عشان خاطر امها سليم: هتفضل لامتا تكون مراعي لغيرك من غير ما تبين دا ليه دايما بتحب تبين الجانب الوحش بدل الحلو اياد: لان ميفرقش معايا راي حد ولا ان حد يشوف الحلو مني محدش يستاهل لان في الاخر هلاقي الكل بيستغلني سليم: ناوي امتا تنسي الماضي بق*فه يا اياد هتفضل طول عمرك كدا يعني العمر بيضيع منك يا صحبي اياد: متقلقش عليا انا كويس بس المهم انت شكلك واقع من بدري وكنت مخبي عليا سليم: مش قصة مخبي عليك بس قصة انك عارف حياتنا ماشيه ازاي ومنه كانت حلم بعيد بالنسبة ليا بس خلاص اهي بقيت ملكي وعشانها انا قررت اتغير وهبطل سهر وشرب عشان ابقي زوج كويس وأب ممتاز اياد بفرحة: فرحان ليك جدا يا صحبي ربنا معاك وتحقق كل اللي نفسك فيه سليم: عقبالك انت كمان علي اللي في بالي يا رب اياد: ومين قالك اني ممكن افكر اتجوز رحمه دا مستحيل انا مش هتجوز اصلا سليم بضحك: بس انا مقولتش رحمه يا صحبي بس شكله هيحصل فعلا يلا خليها تربيك من اول وجديد اياد: سليم بيتك اهو اتزفت انزل يلا ومتتاخرش بكره فاهم سليم: حاضر حاضر براحه متزقش الله دا انت رخم اوي _مشي اياد وهو بيفكر في كلام صحبه هو فعلا مقالش رحمه انا ليه فكرت فيها وقولت اسمها انا مستحيل احب تاني مش هسمح لحد يلعب بيا ويضحك عليا وهي مش هتعرف تستغلني هي عشان فقيرة اكيد كل همها الفلوس وواخده حجه تعب امها سلم بس وامها اكيد متعرفش حاجه مش مهم دا كله المهم اني مستحيل اقع في فخها...ووصل الديسكوا وقضي سهرته زي العادة شرب ورقص بس الغريب انه برضو مقدرش يلمس واحده... (ساعات التجارب الفاشله بتحولك لانسان مطفي وبتخليك تفقد الثقه في كل اللي حواليك وتكره نفسك وتبقي بتمشي يومك بالعافيه علي امل انه يخلص وبس وبيخلي كل مشاعره تموت وبيخليه يقفل علي نفسه بمية مفتاح ومستحيل يفتح لاي شخص مهما كان مين واوقات بيحاوله لشخص مدمر ومؤذي جدا مش مؤذي للي حواليه قد ما هو مؤذي لنفسه بلاش نوصل حد للمرحله دي بلاش نخلي حد يدمر نفسياً بسببنا **رة النفس والروح مفيش اصعب منها لو مكنتش هتبقي نافع لغيرك بلاش تبقي مضر خلي الناس تفتكرك بالحلو وتدعيلك بدل ما تدعي عليك...) *خلص اياد سهرته ورجع البيت وهو مش شايف قدامه وبيتوح يمين وشمال بسبب الشرب وكان ابوه مستنيه اول ما شافه اتعصب اوي من شكله... احمد: انت اي اللي انت فيه دا محدش بقي نالي عينيك ولا اي رجعلي الفجر وشارب كمان اياد بضحك: علي اساس ان دي اول مره يعني مالك في اي اوع خليني اطلع انام احمد: فوق كدا انا بكلمك ومخلصتش كلامي عشان تسبني وتمشي اياد: خير انجز عايز مني اي احمد: اكلمك ازاي وانت بالمنظر دا تعال معايا *ومسكه احمد ودخله الحمام وفتح عليه الدش عشان يفوق من الق*ف اللي شربه واتعصب اوي اياد من الحركه دي وزق ابوه وطلع مسك الفوطة وكان بينشف نفسه... اياد: انت اتجننت ازاي تعمل كدا عايز اي مني دلوقتي مكنتش قادر تصبر للصبح احمد: اياد احترم نفسك متنساش انك بتتكلم مع ابوك اياد بضحك: ابويا اه قولتلي انجز وهات من الاخر عايز اي احمد بنفذ صبر: انت كريمه حامل منك يا اياد اياد بصدمه: انت بتقول اي مين دي اللي حامل مني اتجننت ولا اي احمد: قولتلك احترم نفسك دي نتيجه التحاليل اللي بتقول ان كريمه حامل منك *اياد انصدم من التحاليل وخد بعضه وخرج من الفيلا كله حته مغيرش هدومه وطلع بالعربيه بسرعه وبعد شوية وصل بيت عمه وعمه استغرب اوي من وجوده دلوقتي وطلع بسرعه علي اوضة كريمه واللي شافه كان الصدمه.... يتبع.....

Free reading for new users

Scan code to download app

App Store Google Play

Facebookexpand_more