الفصل السادس
845 Words
مذكرات ( 2 )
التغير حاجه مطلوبة ، مش لازم احنا اللي دايما نتغير ، لازم نلاقي اللي يتغير عشان ي**بنا ، لازم نلاقي اللي يحبنا ويعمل المستحيل عشان يبقي معانا ، مش لازم في كل مره احنا اللي نتعب ، ونحارب ونعمل المستحيل عشان غيرنا ، وفي الاخر نلاقي وجع وخذالان ، من حقنا نلاقي اللي يتعب عشان خاطرنا .
لازم نلاقي اللي يحسسنا اننا غير الكل ، اننا مميزين ، اننا استثناء ، مش زينا زي غيرنا ، صفر علي الشمال ، مجرد نقطة في بحر .
افتكر زمان ، حاولت وتعبت وقدمت كل حاجه اقدر عليها ، عشان بس احافظ علي حبي ، واثبت اني بحب من قلبي مش بتسلي ومش بكدب ، واستفدت اي...؟
ولا اي حاجه وجع وخذالان ، خيانه وجرح ، اللي كونت بحاول اثبت انه مش هيحصل مني ، حصل منه هو ومن غير اي رحمة .
طب ليه بتستفيدوا اي...؟
لما تخلي بنت تتعلق بيك ، وتحبك ، وتحارب اهلها ، والعالم كله عشانك ، تفضلك عن نفسها ، تقدملك عمرها وحياتها ، يبقي عندها استعداد تموت عشانك ، بتكون ليك أم ، أخت ، صحبة ، حبيبة ، زوجة ، عشيقة ، بتكون كل حاجة انت محتاجها ، بتستفيد اي لما ت**رها ، عايزة اجابة بجد ، هي قصرت في اي عشان يحصل فيها كدا .
ليه تدمر اللي حبيتك ، وتسيبها بجرحها بينزف ، وتجري وراء اللي متستهلكش ، اللي بتستغلك وبتلعب بيك ، وبتخون مع مية غيرك ، ليه تسيب بنت الأصول اللي بتصونك ، وتجري وراء اللي عاملاك كوبري ، ومخليك خاتم في صباعها ، عايزة اجابة...؟
سمعت قصة قديمة عجبتني جدا ، قصة بنت ع**طة ، بتثق في غيرها بسهولة ، اتخدعت كتير اوي ، حبيت وات**رت ، لما اتسالت عن اللي حصل معها ، الحوار مشي كالأتي :
ندي : ازايك يابنتي اي الغيبة دي كلها انتي كويسة...؟
منه : ايوه كويسة لسه عايشه يا ندي...
ندي : مالك يا منه اي الطريقه دي ، اول مره اشوفك بتتكلمي كدا...!
منه : مفيش يا ندي انا كويسة متقلقيش عايشه ، المهم طمنيني عليكي انتي ، اي اخبارك...؟
ندي : منه من امتا بتخبي عليا...؟ احكيلي يا حبيبتي انا جانبك ومعاكي دايما اطمني...!
منه : احكي اي بس يا ندي ، انا شوفت كتير الفترة دي ، خطيبي سابني يوم خطوبتي ، حبيت بعدها وخذالاني برضو ، بقيت اتخدع في كل الناس ، مقابلتش حد صادق يا ندي ، كله استغلني وضحك عليا ، **روني كتير ، واخيرها مرض امي ، دا مخليني عاجزة يا ندي ، مش عارفه اعمل اي ، الموت ممكن ياخدها مني في اي لحظه ، ومحدش جانبي .
ندي : اهدي يا حبيبتي انا جانبك اهو لسه عايشه اتسدني عليا وقبل ما اكون موجوده ، ربنا موجود يا منه وقادر علي كل شئ .
منه : انا واثقه في ربنا جدا يا ندي ، بس لحد امتا هفضل اسند غيري ، ولما احتاج اتسند يتخلوا عني ، هو انا وحشه لدرجادي...؟
ندي : لا با حبيبتي مش وحشه ولا حاجه ، انتي ربنا بيحبك ، بيبعدك عن اللي ميستهلش وجوك في حياته ، وبيقربك من اللي يستهلك ، ومش كله يستاهل نعمه زايك يا حبيبتي .
منه : ونعمه بالله يا ندي ، انا اسفه دوشتك معايا .
ندي : دوشتي مين بس ، تصدقي كدا ازعل منك ، يابت احنا اخوات ، واطمني هعملك برنامج محصلش ، نقضيها انا وانتي وماما ، وان شاء الله نلاقي علاج وتخف وتفضل وسطنا .
منه : ربنا يخليكي ليا يا حبيبتي ، بجد انتي اختي اللي امي مخلفتهش .
ندي : ويخليكي ليا يا نور عيني ، اضحكي يا ستي بقي خلي الدنيا تنور .
منه : نضحك سوي ونتحدي العالم كله ، فعلا ربنا عوضني بيكي يا احلي سند .
ندي : بحبك .
منه : بحبك .
عارفين انا القصة عجبتني ليه ، هي اه قصيرة ، ومنه مشكلتها متحلتش ، وامها ممكن تموت ، وندي مقدرتش تصلح كل اللي فات في حياة منه ، بس رغم كدا هي سندتها ، عرفتها انها جانبها مهما حصل حاولت تفرحها وتنسيها اللي هي فيه .
العوض مش شرط يكون راجل ، مش شرط يكون حبيب ، ممكن يكون اخت ، صحبة تشيل معايا كل حاجه ، تسندني وتبقي جانبي ، تهون عليا ، تعرفني اني مش لوحدي ، وان الدنيا لسه بخير ، ربنا بيعوض ، بس مش شرط بطريقة معينة ، المهم انه بيعوض .
التغير مش مختصر علي الحبيب ، او عن الارتباط عمتاً ، التغير في كله ، في اسلوب الحياة ، في الطبع ، في الصحاب ، في اختيار الاشخاص اللي في حياتنا ، لازم نتغير ونحب نفسنا ، ونتعب عشان نوصلها لاعلي حاجه ، عشان نلاقي اللي يتعب عشانا ، ويحبني ويحارب عشانا .
السؤال هنا ، ياتري استفيدت من اللي حصل في حياتك ، اتعلمت حاجه ، لاقيت الصديق أو الحبيب اللي يستاهل يكون في حياتك ، لاقيت اللي يسندك ، من غير ما يستني مقابل ، بيحبك لله في لله ، وياتري انت هتقدر تميزه ، هتقدر تثق فيه ، هتقدر تنسي الخذالان...؟
كانت...كانت تكفيني...رسالة واحدة منك...تشعرني بأني لازلت في بالك...تجعنلي اصدق أن الحب...شعور متبادل...لكن الرسالة لم تصل...وأنت لم تتغير...مأزلت أناني...كما كونت...كم اتمني أن تتغير...ولكن هذا لن يحدث...ولكني سوف اظل اتمني ذلك...®️
- Writer
