“Yes, señora.. Nice meeting you po, good evening.” Pinilit niyang gawing kalmado ang boses at nginitian ang may edad na babae sabay nang pagyuko bilang pagbibigay galang.
Unti-unting nagbago ang aura ng ginang. Maya-maya'y sumilay ang ngiti nito sa mga labi. Saka niya lang napagtanto ang itinatago nitong kabaitan.
“Apo ka raw ng dating presidente na si Mr. Barcelona.”
Tumango siya bilang tugon.
“Alam mo bang matalik siyang kaibigan ng yumao kong asawa na si Judeo? Malaki ang ipinagmana mo sa iyong lolo,” turan nito.
Napatitig siya rito. “Ahh, marami nga ho ang nagsabi..” humble niyang sagot.
“Umupo ka hija.” Iginiya siya nito upang maupo sa couch na naroon.
Humarap ito sa kaniya.
“Ano nga pala ang pinagkakaabalahan mo sa ngayon, hija?” Maya-maya'y tanong nito habang marahang nagsa
